Apple prezanton WatchOS7 – tani ua rikujton larjen e duarve aq sa duhet

Në konferencën e saj vjetore të mbajtur sot, Apple zbuloi WatchOS 7, transmeton Telegrafi.

Konferenca po mbahej praktikisht online për herë të parë për shkak të pandemisë së coronavirusit.

WatchOS 7 ka shtuar më shumë karakteristika kësaj radhe dhe njëra prej tyre është parashikimi i gjumit, transmeton Telegrafi.

Wind Down, pra ju ndihmon që kur zgjoheni ju do të shihni një vizualizim të gjumit tuaj të kaluar, duke përfshirë periudhat e zgjimit tuaj, dhe një tabelë që tregon tendencat javore të gjumit.

Për sa i përket shëndetit dhe fitnesit, aplikacioni WorkOS i WatchOS 7 shton mbështetje për katër stërvitje të reja: trajnim thelbësor, vallëzim, trajnim funksional i forcës dhe qetësim.

Aplikacioni ku gjurmoni stërvitjet tuaja tani do të quhet Fitnes, dhe do të përfshijë një skedë të re përmbledhjesh që ju jep një mënyrë të thjeshtë për të parë historinë e aktivitetit, stërvitjes dhe tendencat tuaja, të gjitha në një pamje.

Me WatchOS 7, do të keni mundësinë të përdorni Siri për të përkthyer disa gjuhë direkt nga kyçi i dorës.

Mes pandemisë së coronavirusit, WatchOS do të përdorë një aplikacion për të përcaktuar se kur filloni të lani duart dhe do të vendos një kohëmatës, në mënyrë që të dini se po lani duart me kohëzgjatje të caktuar për 20 sekonda. /Telegrafi/