Apple e mund rivalin kinez Xiaomi, Oppo lider i tregut

Me 44.9 milionë iPhone të shitur në Kinë, Apple e ka kaluar rivalin Xiaomi, kompaninë ndryshe të njohur edhe si Apple e Kinës që shet 41.5 milionë telefona të mençur dhe tani rrëshqiti në vendin e pestë, thuhet sipas raportit të firmës kërkimore të tregut – IDC.

Apple ka rënë nga 58.4 milionë iPhone sa kishte në vitin 2015 dhe Xiaomi nga 64 milionë telefona Mi, që shënon një rënie prej 23 përqind dhe 36 për qind, respektivisht.

Oppo është e para sepse ka arritur të shesë 78.4 milionë telefona – apo më shumë se dyfishi i 35.4 milionë sa kishte në vitin 2015.

Huaëei erdhi në vendin e dytë me 76 milionë njësi, ndërsa Vivo ka arritur pothuajse të dyfishojë dërgesat e veta, duke shkuar nga 35 milionë sa kishte në vitin 2015 në 69 milionë njësi në fundvit.

Përkundër rënies, IDC nuk beson se shitësit kineze ia kanë ‘ngrënë’ pjesëmarrjen e saj në treg kompanisë Apple.

Shumica e përdoruesve të Apple pritet të presin për iPhone-in e ri që do të lansohet këtë vit, dhe që do të ndihmojë markën më të njohur amerikane për të parë një rritje edhe në vitin 2017.