Aktorja e njohur e teatrit, Anisa Ismajli, nuk i ka duruar dot zhvillimet e fundit politike në Kosovë, të cilat e kanë rënduar situatën alarmante për shkak të coronavirusit.
Përmes një videoje të dërguar KultPlus, aktorja tregon se si fëmijët e saj janë në Amerikë por nuk ndjehet vetëm sepse ka familjarët pranë.
Megjithatë, ajo thotë se është shumë e zhgënjyer me politikanët, duke u shprehur se sipas saj ata nuk janë “në tokë të bukës”.
“Kush na ka mallku deri në këtë masë. Kjo kastë politike nuk është në tokë të bukës. Po do me më dalë zemra prej vendit”, dëgjohet teksa thotë aktorja e njohur.
Përgjatë gjithë videos, Anisa shfaqet me lot në sy e papërmbajtur, duke u ndjerë tejet e revoltuar me atë se çfarë po kalon Kosova.
Kujtojmë që e gjithë kjo situatë vjen pasi Presidenti Thaçi përmes një deklarate për media mbrëmjen e së hënës, bëri të ditur se Qeveria Kurti ka shkelur kushtetutën me vendimin e saj të fundit, të cilin sipas tij qytetarët nuk janë të detyruar ta respektojnë. /Telegrafi/