Legjenda e Manchester Unitedit, Ryan Giggs, ka marrë drejtimin e përfaqësueses së Uellsit.
44-vjeçari ka nënshkruar kontratë katërvjeçare me Federatën e futbollit të vendit të tij.
Te përfaqësuesja, Giggs ka zënë vendin e Chris Coleman, i cili u largua në nëntor për të marrë drejtimin e Sunderlandit.
Në garë për postin e përzgjedhësit të Uellsit ishin edhe Osian Roberts, Craig Bellamy dhe Mark Bowen.
Mirëpo, legjenda e Djajve të Kuq ishte favorit për të marrë drejtimin e përfaqësueses dhe ashtu ndodhi.
"Jam shumë krenar që më është dhënë mundësia për ta drejtuar ekipin kombëtar".
"Sfidat që i kemi para nesh me Ligën e Kombeve dhe kualifikimin për 'Euro 2020', më entuziazmojnë shumë".
"Mezi pres të filloj të punoj me lojtarët për t'u përgatitur për këto ndeshje vendimtare që do të nisin më vonë gjatë vitit", ka deklaruar Giggs. /Telegrafi/