Zyrtare: Artur Magani kalon te Ballkani

Ballkani ka arritur marrëveshje një vjeçare me sulmuesin Artur Magani.

Klubi suharekas po punon që ta konsolidojë ekipin për edicionin e ri, duke sjell lojtarë mjaftë cilësor.

I fundit është sulmuesi i njohur shqiptar, Artur Magani, që së fundmi ishte pjesë e Feronikelit.

“Arturi është formuar si futbollist në shtetin amë, duke mbrojtur ngjyrat e ekipeve si KF Teuta, KF Shkumbini, ndërsa Superligën e ka shijuar me fqinjët nga Prizreni, FC Liria dhe se fundmi tek kampioni i Kosovës KF Feronikeli”, thuhet në njoftimin e klubit.

Ballkani sot ka zyrtarizuar edhe mbrojtësin Egzon Sinani. /Telegrafi/