02/07/2023
Xherdan Shaqiri ka vazhduar me formë të mirë personale në elitën e futbollit amerikan MLS.
Sulmuesi kosovar me pasaportë zvicerane ka realizuar golin e dytë këtë edicion, në humbjen që Chicago Fire e pësoi 3-1 në udhëtim te Orlando City.
Shaqiri e nisi ndeshjen si titullar, por skuadra e tij nuk arriti t'i shmanget humbjes në këtë sfidë.
Ishte minuta e 66-të e ndeshjes, kur sulmuesi gjilanas realizoi nga penalltia për ta ngushtuar epërsinë në 2-1.
Për 31-vjeçarin ky ishte goli i dytë këtë edicion në MLS, teksa ka bërë edhe tre asistime.
Chicago Fire pas 20 ndeshjeve në kampionat, ndodhet në pozitën e 13-të në Konferencën e Lindjes me 23 pikë. /Telegrafi/