Dhe nuk mund të mungonte reagimi i Deontay Wilder, pasi Anthony Joshua pësoi humbje të papritur nga Andy Ruiz Jr. duke i humbur titujt e tij WBA, WBO dhe IBF.
Boksieri britanik, tashmë ish-kampioni i unifikuar, u rrëzua katër herë duke regjistruar humbjen e parë në karrierë që i kushtoi me tituj.
Në ndërkohë, kampioni i pamposhtur i WBC-së, i cili është konsideruar njëherësh si rivali i tij më i madh, ka bërë një publikim në Twitter.
"Ai nuk ka qenë kampioni i vërtetë. E gjithë karriera e tij është bazuar në gënjeshtra, kundërthënie dhe dhurata".
"Fakte dhe tash e dimë se kush ikte nga kush!", ka shkruar Wilder.
Tani janë kalkuluar edhe fitimet e para të mundshme, Joshua ka fituar një mal me pare përkundër se humbi, por as Ruiz nuk mbeti keq nga ana financiare prej këtij dueli, detajet dhe shifrat. /Telegrafi/
