Tre muaj pa paga, 200 punonjës të gazsjellësit TAP në Durrës në protestë
07/09/2016
Rreth 200 punëtorë sezonalë të projektit të gazsjellësit TAP në Durrës kanë protestuar para zyrave të firmës për shkak të vonesës së pagave.
Punonjësit e gazsjellësit TAP në Shënvlash shprehen se nuk kanë marrë pagat e 3 muajve të fundit dhe kërkojnë respektimin e kontratave, shkruan Shqiptarja.
Protestuesit deklarojnë se “Jemi punësuar me kontratë 3-mujore, nuk është respektuar kontrata, pasi nuk na kanë kaluar pagat. Përfaqësuesit e TAP nuk na japin asnjë sqarim”.
Në Shënvlash të Durrësit ndodhet kantieri i depozitimit të të gjitha tubacioneve dhe makinerive të gazsjellësit TAP për pjesën e Shqipërisë, ku po ndërtohet. /Telegrafi/