Pas befasive të shumta në turneun IEM Dallas CS:GO, ku u eliminua ekipi më i mirë në botë FaZe nga ekipi Cloud9, sot (e diel) do të zhvillohet ndeshja finale ndërmjet ENCE dhe Cloud9.
Ekipi i ENCE për momentin është në një formë fantastike, ku edhe pse në mungesë të lojtarit Spinx, veterani Snax është duke e zëvendësuar për mrekulli gjatë këtij turneu, pasi në ndeshjen gjysmëfinale ENCE e mposhti ekipin FURIA me rezultat 2:0 me mapa.
Gjithashtu ekipi i Cloud9 mposhti ekipin BIG me rezultat 2:1 me mapa në ndeshjen e dytë gjysmëfinale.
Në ndeshjen e finales ENCE dhe Cloud9 do të përballen në formatin ‘Bo5’, duke filluar nga ora 18:00, ku më favorit për ta fituar këtë finale është ekipi Cloud9, për shkak se ENCE është duke luajtur me një zëvendësues.
Dy ekipet nuk kanë pasur përballje ndërmjet vete që nga Majori i kaluar i cili u mbajt në Stokholm të Suedisë, ku kishin zhvilluar ndeshjen në formatin ‘Bo3’, të cilën e kishte fituar ekipi Cloud9.
Për ekipin fitues do të ndahen 100.000 dollarë, ndërsa vendi i dytë do të fitojë 42.000 dollarë.
Ndeshjen mund ta ndiqni nga ora 18:00 në kanalet zyrtare të ESL në platformën Twitch.
Formacionet e të dyja ekipeve
ENCE Pavle 'Maden' BoškovićPaweł 'dycha' DychaJanusz 'Snax' PogorzelskiMarco 'Snappi' PfeifferOlek 'hades' MiskiewiczCloud9Abay 'HObbit' KhasenovSergey 'Ax1Le' RykhtorovDmitry 'sh1ro' SokolovTimofey 'interz' YakushinVladislav 'nafany' Gorshkov/Telegrafi/