Jan Vertonghen është futur në muajt e fundit të kontratës me skuadrën angleze Tottenham Hotspur.
Mbrojtësi belg ende nuk ka vendosur nëse do ta vazhdoj kontratën me klubin londinez, pasi për të janë duke u interesuar disa skuadra.
E ardhmja e tij duket mes kampionatit italian dhe atij holandez.
Skuadrat më të mëdha italiane si Roma, Juventus, Inter dhe Milan kanë shprehur interesim për lojtarin.
The Sun ka raportuar se ekipet e mëdha italiane kanë kontaktuar agjentin e lojtarit për ta pyetur për kushtet e tij.
Por në skenë ka dalë edhe ish-skuadra e belgut Ajax që dëshiron rikthimin e tij.
32-vjeçari ishte larguar nga Ajaxi në vitin 2012 për të kaluar te Spurs për 12,5 milionë euro.
Reprezentuesit belg i pëlqen ideja për të luajtur në Serie A, por atë e tërheq edhe rikthimi në Amsterdam.
Gjithsesi e sigurt është se lojtari nuk do të vazhdoj bashkëpunimin me Spurs, pasi dëshiron një aventurë të re. /Telegrafi/