Mesut Ozil do të nënshkruajë kontratë të re me Arsenalin për shkak të ardhjes të Pierre-Emerick Aubameyang.
Gazeta e respektuar gjermane Bild thotë se mesfushori i Gunners do të vendosë penën në letër pas Kupës së Botës.
Mesfushorit 29 vjeçar do t'i mbarojë kontrata gjatë verës dhe se nuk e ka ndërmend të largohet prej londinezëve.
Raportohet se reprezentuesi gjerman pritet të fitojë rreth 400 mijë euro në javë me marrëveshjen e re.
Ish ylli i Real Madridit ishte i lidhur fort me një lëvizje në Old Trafford të Manchester Unitedit.
Ozil në këtë sezon ka pasur 18 paraqitje në Ligën Premier duke shënuar katër gola ndërsa i ka ndihmuar në shtatë raste bashkëlojtarë për të realizuar gol.
Ndryshe, vlera e lojtarit të Gunners sipas ueb-faqes transfermarkt.de është rreth 50 milionë euro. /Telegrafi/