Tensioni i “El Clásico”mes Real Madridit dhe Barcelonës nuk u kufizua vetëm në fushë. Kamerat e DAZN kanë zbuluar një bisedë të nxehtë mes Vinicius Junior dhe Lamine Yamal gjatë dhe pas ndeshjes në “Santiago Bernabéu”.
Sipas pamjeve të publikuara, Vinicius i është drejtuar lojtarit të Barcelonës me tone ironike dhe provokuese.
Në një moment tjetër të ndeshjes, braziliani është dëgjuar duke i thënë: “Gjithmonë flet hapur, gjithmonë flet hapur... Fol këtu, fol këtu!” dhe më pas, me ton më të ashpër: “Sot vetëm po pason prapa, te mbrojtësit”.
Debati verbal nisi në pjesën e dytë dhe kulmoi pas fishkëllimës përfundimtare, kur Dani Carvajal – bashkëlojtar i Lamines në Kombëtaren e Spanjës – iu afrua për ta qortuar, duke i thënë: “folur shumë”.
Katalanasi u përpoq ta shpërfillte, por situata u tensionua kur iu bashkuan edhe Vinicius dhe Courtois, duke e kthyer momentin në një përplasje të hapur mes lojtarëve të të dyja skuadrave.
Sipas mediave spanjolle, reagimi i Viniciusit lidhet me deklaratat e Lamines para ndeshjes, ku ai kishte ironizuar ankesat e Real Madridit për gjykimet e fundit në La Liga – komente që nuk u pritën mirë nga lojtarët madrilenë.
Incidenti mes Viniciusit dhe Lamines është bërë viral në rrjetet sociale, ndërsa mediat spanjolle raportojnë se Federata e Futbollit të Spanjës (RFEF) pritet të analizojë sjelljet e lojtarëve pas përfundimit të “El Clásico”. /Telegrafi/