Një fëmijë u lëndua në një çerdhe në Lipjan, Policia interviston edukatoren

Një fëmijë të hënën është lënduar në një çerdhe në Lipjan, ndërsa lidhur me këtë Policia ka iniciuar rast dhe ka intervistuar edukatoren.

Flora Ahmeti, zëdhënëse e Policisë së Kosovës për rajonin e Prishtinës i tha Telegrafit se të hënën rreth orës 15:00 në stacionin policor në Lipjan është iniciuar një rast lëndim trupor.

“Dje rreth orës 15:00 në stacionin policor në Lipjan është iniciuar një rast lëndim trupor. Ankuesja dhe e dyshuara janë intervistuar”, tha Ahmeti.

Rasti po trajtohet në procedurë të rregullt përkitazi me udhëzimet e prokurorit të shtetit. /Telegrafi/