Monica Bellucci dhe Vincent Cassel mbetën në një marrëdhënie të shkëlqyer pas divorcit. Ende ka spekulime se ish-bashkëshortët nuk pajtohen më së miri, mirëpo fotografitë nga Italia konfirmojnë të parën, dhe mohojnë të dytën.
Aktorja italiane dhe francezi i famshëm, ish-burri dhe kolegu i saj, qëndruan në Itali rreth dhjetë ditë më parë, me vajzat e tyre Deva (15) dhe Leoni (10).
Ata janë fotografuar në një restorant të famshëm duke shijuar darkën. Dhe arsyeja e mbledhjes ishte mjaft e veçantë.
55-vjeçarja dhe vajza e saj e madhe xhiruan në liqenin Como në Itali një fushatë të re për shtëpinë e modës “Dolce & Gabbana”, me të cilën italiania e famshme bashkëpunoi në fillimin e karrierës së saj të modelimit, dhe mori pjesë disa vjet më parë në fushatën e diskutueshme për të treguar lidhjen midis modës dhe fesë.
Deva është gjithashtu e përfshirë në aktrim dhe në fushën e modës që ndjek gjurmët e nënës së saj, ajo gjithashtu mori mbështetje nga babai i saj, i cili iu bashkua asaj në set. Imazhet nga Italia tregojnë gjithashtu se si do të duket Deva në fushatë – transmeton KP.
Pas xhirimeve, Monica shkoi në Greqi, ku gruaja aktuale e 53-vjeçarit Cassel, Tina Kunakey (23 vjeçare), me të cilën u martua në vitin 2018 dhe kanë një vajzë bashkë, po qëndronte në të njëjtën kohë.
Ndryshe, Monica dhe Vincent ishin martuar nga viti 1999 deri në vitin 2013.