Michelle Pfeiffer zbulon se planifikon të bëjë një pushim nga aktrimi për t'u përqendruar në familje

Aktorja e famshme amerikane, Michelle Pfeiffer, (67-vjeçare) njoftoi se planifikon të bëjë një pushim nga karriera e saj në film, në mënyrë që t'i përkushtohet më shumë familjes dhe rolit të saj të ri si gjyshe.

Arsyeja për këtë vendim është lindja e mbesës së saj të parë në vitin 2024, gjë që e bëri aktoren të ndihej e veçantë, siç zbuloi ajo në një intervistë të fundit me Fox News Digital.

Pfeiffer tha se ndihet mirënjohëse për mundësitë që i janë dhënë në karrierë, por në të njëjtën kohë ka kuptuar se sa shumë kohë do të thotë për të koha e kaluar me të dashurit.

"Mendoj se do të kem pushim pjesën më të madhe të vitit të ardhshëm, gjë që mezi e pres. Dua që stili im i jetesës dhe koha që kam të jenë kuptimplotë", theksoi aktorja.

Kjo nuk është hera e parë që Michelle e ka vënë familjen e saj në vend të parë.

Ajo mori një pushim nga Hollywoodi disa vite më parë për t'u përqendruar te fëmijët e saj, pastaj u rikthye në aktrim kur ata u rritën.

"Të bëhesh gjyshe është parajsë. Nëse do ta dija që kjo do të ndodhte, mund të mos kisha marrë përsipër kaq shumë projekte, por kam shijuar gjithçka dhe jam shumë mirënjohëse", pranoi Pfeiffer, duke theksuar se kjo kohë është veçanërisht e çmuar për të tani. /Telegrafi/