Lajm i hidhur te City, Jesus mungon gjatë

Katër gola në tri ndeshje, lëvdata të mëdha dhe deri te krahasimi me Lionel Messin.

Duket se lojtari është prekur nga ‘mësyeshi’ siç thonë në gjuhën popullore.

Lëndimi i mbrëmshëm në ndeshjen ndaj Bournemouth, do t’i kushtojë shumë brazilianit.

19-vjeçari pësoi një dëmtim serioz mbrëmë dhe skaneri zbuloi sot një thyerje të një kocke në këmbë.

Një lajm i tmerrshëm për sulmuesin, i cili do të mungojë rreth tre muaj, çka do të thotë se me shumë mundësi e ka mbyllur sezonin, që për të kishte nisur vetëm pak javë më parë, me gola e lojë fantastike, aq sa edhe Sergio Aguero u ul në bankën rezervë.

Ndërkaq, edhe Pep Guardiola është i dëshpëruar, sepse me talentin brazilian City po shprehej shumë më mirë dhe po shihte realisht nga kreu i renditjes në Ligën Premier. /Telegrafi/