Mediat franceze raportojnë se Juventusi ka arritur marrëveshje me Blaise Matuidin, ndërsa bisedimet me Paris Saint-Germainin po vazhdojnë.
Mesfushori dëshiron të kalojë te kampioni italian, mirëpo klubi francez kërkon 40 milionë euro për të.
Derisa Zonja e Vjetër përpiqet ta ulë këtë shifër, Le Parisien njofton se lojtari dhe agjenti i tij, Mino Raiola, janë takuar me përfaqësues të Bianconerëve ditën e martë.
Të dyja palët kanë arritur marrëveshje në parim për një kontratë që besohet të jetë tre ose katërvjeçare.
L’Équipe dhe France Football raportojnë se Matuidi do të përfitojë nga 4.5 milionë euro për sezon.
Të gjitha lajmet rreth TRANSFERIMEVE
Megjithatë, gazetat njoftojnë se PSG i ka refuzuar ofertat e para të Juves që thuhet se kanë qenë ndërmjet 25 dhe 30 milionë euro dhe kampioni francez vazhdon të kërkojë 40 milionë euro. /Telegrafi/