I jashtëzakonshëm Vedat Muriqi, gjen rrjetën ndaj Athletic Bilbaos
Mallorca po luan ndaj Athletic Bilbaos në një ndeshje që i përket javës së 20-të në La Liga.
Vendasit kaluan në epërsi qysh në minutën e pestë, ku autor i këtij goli ishte sulmuesi kosovar Vedat Muriqi, i cili realizoi në minutën e pestë për rezultatin 1-0 pas asistimit nga Sergi Darder.
Për Muriqin ky ishte goli i tij i 12-të deri më tani këtë sezon në La Liga, duke konfirmuar kështu formën spektakolare nëpër të cilën po kalon.
Megjithatë, i shpejtë ishte reagimi i mysafirëve, të cilët vetëm tre minuta më vonë ia dolën të barazojnë shifrat në 1-1 me anë të Unai Gomez.
Goal! A terrific long pass from Sergi Darder picks out an unmarked Vedat Muriqi inside the box. He has time and space to pick his spot and slams the ball into the bottom left corner. 1:0.
🇪🇸 Mallorca 1-0 Athletic Clubpic.twitter.com/WD7BctOKgZ
— Goals Xtra (@GoalsXtra) January 17, 2026
Mallorca po kalon në një formë jo aq të mirë pasi nuk ka asnjë fitore në tri takimet e fundit në kampionat.
Një fitore eventuale sot do të ishte një hap i madh për t’u larguar edhe më shumë nga zona e cila çon në kategorinë e dytë të futbollit spanjoll./Telegrafi/