Saif al-Islam Gaddafi, djali i Muammar Gaddafit, do të mund të kandidojë në zgjedhjet presidenciale të Libisë.
Kështu vendosi kolegji i apelit i gjykatës në qytetin Sabha, i cili hodhi poshtë vendimin e komisionit zgjedhor, raporton aljazeera.
Më herët gjykata e ka refuzuar kandidaturën e tij “shkaku se nuk i plotëson kushtet sepse më parë ishte i dënuar”.
Pas vendimit të gjykatës, një numër i madh i mbështetësve të Gaddafit dolën në rrugë për të festuar.
Një përfaqësues i Gjykatës Ndërkombëtare Penale më parë i bëri thirrje Libisë që të arrestojë Gaddafin për shkak të procesit që po zhvillohet kundër tij, ku po akuzohet për krime lufte.
Ndryshe, raundi i parë i zgjedhjeve presidenciale pritet të mbahet 24 dhjetor gjersa balotazhi një muaj më vonë. /Telegrafi/