Banori i Kolovicës: Komunën e paralajmërova për tragjedinë, më thanë je me Isa Mustafën (Video)
Një banorë i Kolovicës pretendon se lagja e kishte denoncuar disa herë gropën me ujë ku sot humben jetën dy fëmijë, por ata ishin injoruar për shkak të dallimeve partiake, shkruan Gazeta Express.
“Banoret e kanë denoncuar disa herë në komunë, por nga komuna na kanë thënë që jeni të Isa Mustafës dhe nuk kanë reaguar”, tha Avdyl Hyseni, banor i kësaj zone.
Gropa me ujë ku sot humbën jetën dy fëmijë, në lagjen “Kolovicë’ të Prishtinës, sipas banorëve, përdorej edhe më herët nga fëmijët e asaj zone si pishinë për t’u larë.
Në vendin ku kanë humbur jetën dy fëmijët është marrë zhavorr nga disa bagerë, e si rrjedhojë është lënë i pambuluar dhe për pasojë është mbushur me ujë.
Për më tepër vendi nuk është rrethuar kurrë për të treguar se është vend i rrezikshëm.
Dy fëmijët që u mbyten në këtë gropë ishin vëlla e motër të familjes Mramori. Vajza ishte 13 vjeçe ndërsa djali 11.