Aktorja amerikane e filmave për të rritur, Kylie Page, ka vdekur në moshën 28-vjeçare.
Vdekja e saj u konfirmua nga Zyra e Mjekut Ligjor të Qarkut të Los Angeles, ndërsa shkaku mbetet ende i panjohur dhe nën hetim.
E pranishme në industri që nga viti 2016, Kylie ishte një nga figurat më të dallueshme të brezit të saj. Ajo kishte punuar për kompani të njohura si Vixen Media Group dhe Brazzers, të cilat shprehën dhimbjen për humbjen e saj në deklarata prekëse.
"Edhe pse bënte atë punë, ajo ishte një shpirt i butë", shkruajnë ndjekësit nën postimet e saj.
E njohur edhe për aktivitetin e saj në rrjetet sociale, Kylie kishte një komunitet të gjerë ndjekësish në Instagram, ku postonte rregullisht momente nga jeta e saj.
Komentet e fundit të ndjekësve janë shndërruar në mesazhe lamtumire dhe ngushëllimi. “Ajo kishte një zemër të madhe dhe një shpirt të butë”, shkruan njëri prej tyre.
Leah Gotti, shoqja e saj e ngushtë dhe kolege në industrinë 18+, e kujtoi si një vajzë plot energji pozitive, ndërsa organizata Pineapple Support, e cila mbështet shëndetin mendor të punëtorëve të kësaj fushe, e quajti një “fytyrë të ndritshme” të komunitetit. /Telegrafi/