Ambasadori slloven: Jemi të motivuar ta zgjidhim kontestin në mes Shkupit dhe Sofjes

Ambasadori i Sllovenisë në Maqedoninë e Veriut, Millan Predan, vendi i të cilit e mori kryesimin me Këshillin e BE-së, në intervistë për TV Sitel porositi se çështja Shkup-Sofje duhet të zgjidhet me diplomaci të durueshme dhe të qetë, në dialog të hapur të të gjithë faktorëve: Shkupin, Sofjen, Brukselin, Lubjanën. Sipas tij, është i rëndësishëm, edhe roli i Berlinit, Parisit dhe Uashingtonit.

Ai theksoi se ka disa propozime dhe skenarë, duke përfshirë edhe atë portugez në të cilin do të punojë Sllovenia për shkak se ky është vlerësim i përbashkët i të gjithë anëtareve të BE-së dhe porositi se nuk mund të premtojë çudira, por që do të punojë i motivuar.

“Nuk dua të përhap optimizëm të rrejshëm, nuk mundemi të premtojmë çudirë politike, por mund të them se jemi jashtëzakonisht të motivuar që ta zgjidhim çështjen Shkup – Sofje dhe e kemi mbështetjen nga të gjithë 26 anëtaret e BE-së dhe të gjithë kanë interes që të zgjidhet kjo çështje. Ne veçmë po punojmë në disa skenarë të mundshme për atë se si mundemi t’ju qasemi disa gjërave”, thotë Predan.

Ai është decid edhe se në propozimin portugez pozicionet e identitetit dhe gjuhës maqedonase janë të garantuara dhe porositi se ai dokumemt i ka parasysh pozicionet e të dyja palëve.

Ambasadori potencoi edhe se presidenti slloven Borut Pahor është në Sofje dhe atje ka takim me kolegun bullgar Rumen Radev me të cilin, siç tha, me siguri kjo çështje do të jetë temë e vetme në bisedimet e tyre. Theksoi se tanimë ka komunikim midis Lubjanës dhe Sofjes, si dhe me Brukselin.