Ambasada e SHBA-së: Të thirret seancë parlamentare dhe të shtyhen zgjedhjet

Fakti që vetëm një parti e madhe politike ka dorëzuar listat e kandidatëve për zgjedhjet e 5 qershorit e nënvizon dhe e përforcon shqetësimin se kushtet nuk janë të përshtatshme për zhvillimin e zgjedhjeve të besueshme, thonë nga Ambasada Amerikane, në pyetjen e “Meta” për hapin e partisë në pushtet për dorëzimin e listave për kandidatë të deputetëve në Komisionin Shtetëror Zgjedhor (KSHZ), transmeton Telegrafi Maqedoni.

‘Mbeten ende çështje të papërfunduara në lidhje me reformat në media, frikësimi i votuesve dhe Listat e votuesve. Vendimi i faljes të kryetarit prej 12 prillit vetëm se ka kontribuar në rritjen e ndjenjës të mosndëshkimit, veçanërisht në lidhje me praktikat e këqija të mundshme zgjedhore. Nëse ka zgjedhje më 5 qershor, ata nuk do të kontribuojnë në zgjidhjen e krizës politike në Maqedoni ose për të ndërtuar besimin në institucione dhe do të rrezikonte vetëm integrimin euroatlantik të vendit’, thonë nga ambasada e SHBA-së.

Shtetet e Bashkuara u kërkojnë partive të ri-thërrasin Parlamentin për të anuluar zgjedhjet, të heqin vendimin e faljes, dhe të angazhohen për zbatimin e një agjende agresive të reformave të bazuar në marrëveshjen e Përzhinos, reformat prioritare urgjente të raportit të BE-së, Priebe dhe rekomandimet e OSBE/ODIHR. /Telegrafi/