Drejtori i Interit, Beppe Marotta ka pranuar se Joaquin Correa dëshiron të largohet dhe mund të zëvendësohet nga Alexis Sanchez.
Drejtori i Nerazzurrëve ka lëshuar përditësimet më të fundit në lidhje me transferimet e tyre.
Marotta konfirmoi se Correa dëshiron të largohet për të marrë më shumë kohë për të luajtur.
El Tucu nuk ishte i përfshirë në ndeshjen e parë të Interit në Serie A kundër Monzas të shtunën.
Ish-sulmuesi i Interit, Alexis Sanchez mund të kthehet në Stadio Meazza nëse Correa largohet.
“Ai (Correa) dëshiron të luajë dhe ne nuk do ta injorojmë këtë. Piero Ausilio po punon për këtë. Alexis Sanchez është një kampion i madh, ai dërgon mesazhe për t’u rikthyer dhe kjo është pozitive”, bëri të ditur Marotta për Calciomercato.com. /Telegrafi/