Aksesorët e kompletojnë veshjen tuaj

Veshjet duhen kombinuar edhe me aksesorët e duhur. Cilët aksesorë janë në modë aktualisht? Meqenëse vazhdon stili vintage, në modë janë aksesoret që ndriçojnë dhe shkëlqejnë.

Premisat janë për argëtim të pafundmë të kësaj vere duke qenë se propozimet që na vijnë nga shtëpitë më të mëdha të modës janë të shumta.
Aksesorët prej kohësh janë kthyer në miqtë më të dashur të femrave. Zinxhirë, unaza, varëse, vathe, nuk gjen femër që nuk i përdor. Në asnjë rast, pavarësisht kohës, nuk mungojnë. Disa janë të fiksuara e i kombinojnë me çfarëdo veshje, çantë apo këpucë, të tjerat më pak, por gjithsesi nuk harrojnë t’i përdorin kur duhen.

Kompozimet me gurë e perla theksojnë pjesën e qafës dhe gjoksit.

Perlat janë në modë sidomos kur aplikohen edhe mbi fustan ose kostume .

Këtë verë, më shumë se më parë moda po pasqyrohet në këmbët dhe duart tuaja. Për të qenë vërtet joshëse, duhet që të mendoni më shumë për aksesorët. Ky është mesazhi i stilistëve, të cilët propozojnë një stil ndryshe nga e zakonshmja. Për mbrëmjen do t‘u lihet më shumë hapësirë çantave të vogla, modeleve klasike, të cilat gjithnjë janë të pasura me elemente të çmuara. /Telegrafi/