10 vjet pa pagesë- RKS Trust ofron nënshkrim elektronik të avancuar për të gjithë personat fizik që aplikojnë deri në fund të vitit

RKS Trust po ofron nënshkrim elektronik të avancuar për të gjithë personat fizik që aplikojnë deri më 31.12.2022.

Çka është nënshkrimi elektronik i avancuar?

Sipas rregullores së Bashkimit Evropian eIDAS 910/2014 dhe Ligjit nr. 08/L-022 për identifikimin elektronik dhe shërbimet e besuara në transaksionet elektronike është i bazuar në certifikatë (elektronike) e cila ruan çelësin privat dhe që krijohet me rastin e shndërrimit nga identiteti fizik në atë elektronik.

Si funksionon nënshkrimi elektronik dhe ku mund të aplikohet?

Fillimisht duhet të krijohet identiteti digjital nga një autoritet i besueshëm (Trusted Service Provider), i cili mban vulën e trupës së akredituar nga eIDAS për vlerësimin e konformitetit të procedurave dhe teknologjisë. Vetëm identitetet e marra nga autoritetet e besueshme pranohen sj të tilla nga autoritetet gjyqësore, në rast kontestimi.

Aplikimi për identitet digjital bëhet përmes shtegut: https://apply.rks-trust.com/?bundle=3 dhe atëherë kur verifikimi i identitetit rezulton i saktë iniciohet krijimi i certifikatës digjitale për ruajtjen e çelësit privat, e cila finalizohet me shkarkimin (download) respektivisht vendosjen e fjalëkalimit tuaj. Në rast të humbjes së fjalëkalimit duhet të gjenerohet certifikatë e re, sepse rikrijimi i fjalëkalimit nuk është i mundshëm.

Nënshkrimi elektronik i kualifikuar aplikohet në të gjitha llojet e kontratave, dhe konform paragrafit 2 të nenit 32 të Ligjit nr. 08/L-022 ka të njëjtin efekt ligjor si nënshkrimi i dorës.

A është RKS Trust autoritet i besueshëm?

RKS Trust që është implementuar nga PBC mban një vulë të tillë, me numër P249E-0003/2021 dhe mund të ofrojë identitet digjital, nënshkrim e vulë elektronike në gjithë Bashkimin Evropian, përfshi në Kosovë, sipas Ligjit nr. 08/L-022.

A ka autoritet tjera të besueshme në Kosovë?

Momentalisht nuk dihet nëse ka autoritete tjera të besueshme në Kosovë, përveç RKS Trust. Qeveria e Kosovës është duke krijuar legjislacionin sekondar përmes së cilit krijon parakushtet për krijimin e autoriteteve tjera të besueshme në Kosovë. Sido qoftë, Ligjit nr. 08/L-022 iu lejon operimin autoriteteve të besueshme të Bashkimit Evropian dhe të njëjtat i njeh si kompetente për një veprim të tillë.

Kur fillon aplikimi i nënshkrimit elektronik në Kosovë?

Tashmë Ligji për nënshkrim elektronik është në fuqi dhe aplikimi i tij është i ligjshëm dhe i pranueshëm.