​Kosova kthehet me tetë medalje nga Kampionati i Karates në Turqi

Ka përfunduar Kampionati i Mediteranit që është mbajtur në Antalia të Turqisë, ku garuesit nga Kosova kanë fituar tetë medalje.

U fituan tetë medalje, prej tyre një e artë, dy të argjendta dhe pesë të bronzta.

Rigon Baruti ishte i artë, ai ketë e arriti ne kategorinë e kadetëve deri 57 kilogramë.

Betim Maliqi i argjendtë, ku mori pjesë në kategorinë e juniorëve deri në 68 kg, kurse Endrit Shaqiri te juniorët në kategorinë mbi 76 kilogram arriti të fitojë vendin e tretë apo medaljen e bronztë.

Po ashtu edhe Melos Gashi dhe Elton Musliu ishin të bronztë nga Kampionati i Mediteranit, pasi ketë e arritën në kategorinë e kadetëve mbi 70 kilogram.

Benjamin Shabani të argjendtën në kategorinë deri 75 kilogram, kurse Albulena Gervalla e bronztë në kategorinë deri në 55 kilogram U21, si dhe Donita Elshani po ashtu e bronztë në kategorinë deri 68 kilogram U21.

Kurse në vendin e 5-të, Redona Gashi kadete te kategoria deri 47 kilogram, po ashtu edhe Njomza Osmani kadete në kategorinë mbi 54 kg. Rinor Avdullahu dhe Orgent Azemi kadet te kategoria deri 52 kg.

Riza Mahalla i 7-ti, kadetë deri në 70 kilogram, po ashtu edhe Vesa Ibrahimi kadete deri në 59 kg.