Zyrtare: Zidane konfirmon largimin nga Real Madridi  

Trajneri Zinedine Zidane ka zyrtarizuar largimin e tij si trajner i Real Madridit pas dy viteve e gjysmë të kaluara në krye të klubit Mbretëror.

Zidane ka mbajtur konferencën e lajmëruar më herët për në orë 13:0 në qendrën stërvitore të Real Madridit, Valdebebas.

Pjesë e kësaj konference ishte edhe presidenti i klubit, Florentino Perez, i cili dha fjalën për trajnerin Zidane.

Lexo po ashtu Real Madridi i Zidanes futet në mesin e skuadrave më të mira në histori – Në garë me Ajaxin e Cruyffit, Bayernin e Beckenbauerit e Liverpoolin e Paisleyt

Aty trajneri francez ka folur rreth të ardhmes së tij, ku ka bërë zyrtare largimin e tij nga Real Madridi.

“Unë kam vendosur të mos vazhdoj më si trajner i Real Madridit”, ka thënë fillimisht Zidane në konferencë.

“Është një çast i çuditshëm, por ky ekip ka nevojë për një ndryshim për të mbajtur ecurinë e fitoreve”.

Lexo po ashtu Askush si Zidane, nëntë tituj në vetëm dy vjet e gjysmë - lë mbrapa shumë legjenda dhe trajnerë aktual

“Ky klub ka nevojë për një tjetër fjalim, një metodologji tjetër të punës dhe për këtë arsye e kam marrë këtë vendim”.

“E dua shumë Real Madridin dhe presidentin që më dhanë mundësinë me menaxhu ekipin e ëndërrave”, përfundoi trajneri francez.

Ndryshe, Zidane në dy vite e gjysmë si trajner i Real Madridit ka fituar plot nëntë trofe, ku përfshihen edhe tri Liga të Kampionëve dhe një La Liga. /Telegrafi/