Taulant Seferi e ka kompletuar zyrtarisht huazimin te Tirana nga Young Boys në këtë afat kalimtar të janarit.
Klubi bardheblu dhe ai zviceran zyrtarizuan kalimin e Seferit te klubi shqiptar nëpërmjet komunikatave për shtyp ku theksohet se është arritur akordi për transferimin e lojtarit në formën e huazimit deri në fundin e sezonit.
Seferi që e nisi karrierën te Rabotnicki për të kaluar më pas në Zvcër te Young Boys në sezonin 2015-2016. Më pas për tre sezone ai është dhënë me huazim në tre skuadra të tjera zvicerane; Wohlen, Winterthur dhe Neuchatel Xamax, te kjo e fundit u aktivizua në sezonin 2019/2020 përpara se të kthehej te Young Boys.
Në rang kombëtaresh, Seferi ka luajtur me ekipet zinxhirë të përfaqësueses Maqedonase, por në 2017 ai iu bashkua Përfaqësueses shqiptare fillimisht asaj të U21, ndërsa në 2019 është bashkuar me Kombëtaren A. /Telegrafi/
