Zelensky thotë se Ukraina ka rrëzuar dy aeroplanë rusë të tipit SU
26/05/2023
Presidenti ukrainas Volodymyr Zelensky pretendon se Garda Kombëtare e Ukrainës ka rrëzuar dy aeroplanë rusë të tipit SU në rajonin e Zaporizhia-s.
Zelensky nuk dha më shumë detaje rreth aeroplanëve, transmeton Telegrafi.
Megjithatë, tipi SU mund të ketë të bëjë me aeroplanët e prodhuar nga Sukhoi – prodhues të aeroplanëve ushtarakë rusë.
"Unë u jam mirënjohës dy prej luftëtarëve tanë veçanërisht të saktë", thotë presidenti ukrainas.
“Meqë ra fjala, njërit prej tyre tashmë iu është dhënë titulli Hero i Ukrainës dhe ka rrëzuar jo vetëm aeroplanët e armikut, por edhe një raketë lundrimi”. /Telegrafi/