Ylli i Manchester Cityt, Jack Grealish ka postuar një foto me qenin e tij të ri, që e bleu pas grabitjes së tmerrshme që përjetoi në dhjetor.
Jack dhe e fejuara e tij Sasha Attwood mbetën pa bizhuteri në vlerë prej më shumë se një milion eurosh nga shtëpia e tyre pas grabitjes më 26 dhjetor.
Me atë rast, Grealish ishte larguar me Manchester Cityn e tij dhe hajdutët hynë në shtëpinë e tij dhe fjalë për fjalë e shkatërruan atë.
Hajdutët nuk u gjetën kurrë dhe ndërkohë që kërkimet vazhdojnë, anglezi publikoi një foto ku shfaqet me një qen roje sigurie për të cilën ka paguar 29 mijë euro.
Bëhet fjalë për një malinos belg, një qen roje të cilin e ka blerë të trajnuar posaçërisht nga kompania e sigurisë “Chaperone K9 Services”.
Përveç atij qeni, në foto është edhe një qen i vogël, që quhet Skye, të cilin Grealish e bleu në vitin 2020.
Jack dhe Sasha u zhvendosën në vilën e re vetëm pesë ditë para vjedhjes dhe grabitjes. Pavarësisht gjithçkaje, ata shpresojnë se do të gjenden bizhuteritë e shtrenjta dhe hajdutët do të ndëshkohen në mënyrë adekuate. /Telegrafi/