Përmes një video-mesazhi shumë personazhe të njohura e kanë mbështetur fushatën “Dhuroje për nanën”.
Geta Beqa, Leze Qena, Ganimete Jashanica, Anisa Ismajli, Lum Veseli, Donat Qosja, Shkëlzen Veseli e Vedat Bajrami – janë disa nga personazhet e njohura që e kanë mbështetur këtë iniciativë.
“Me 8 mars dhuro një lule, një ëmbëlsirë (çokollatë) dhe një kartolinë. Çdo ditë tjetër, dhuro ngrohtësi dhe dashuri. ‘Dhuroje për Nanën'”, është mesazhi në përshkrimin e videos.
Fushata ‘#DhurojePërNanën’ është iniciativë e ndërmarrë nga tri OJQ, të cilat kanë për qëllim që këtë mars t’ia dedikojnë gruas. Në theks të veçantë janë nënat vetushqyese.
“Këtë vit kemi planifikuar që përmes një dhurate simbolike, e cila përfshin një lule, një ëmbëlsirë (çokollatë) dhe një kartolinë, t’u dhurojmë ngrohtësi dhe dashuri”.
“Fushata jonë do të jetë e madhe, duke bashkuar emra të mëdhenj të skenës politike, artit dhe gazetarisë në një klip të përbashkët duke bërë thirrje për t’u dalë në ndihmë të gjitha nënave. të cilat rrisin fëmijët e tyre me shumë sakrifica. Për gratë e keqtrajtuara”.
“Secili prej jush do të mund të jeni pjesë e kësaj fushate, qoftë përmes rrjeteve sociale duke përdorur #DhurojePërNanën, qoftë me një lule, ëmbëlsirë, kartolinë apo edhe dhurimin e gjakut”.
“Fushata jonë do të zgjasë shtatë ditë dhe vazhdimisht do të informoheni përmes postimeve në këtë event. #DhurojePërNanën”, shkruan në njoftimin e publikuar në Facebook. /Telegrafi/
