Wesley Sneijder është tërhequr nga futbolli 10 muaj më parë, ku për herë të fundit luajti për skuadrën nga Katari, Al Gharafa.
Ish-mesfushori holandez ka një karrierë të bujshme duke luajtur për skuadra të mëdha si Ajax, Real Madrid, Inter, Galatasaray dhe Nice.
36-vjeçari që është lindur në Utrecht, ka marrëdhënie shumë të mirë me këtë klub dhe shpesh herë është parë duke i parë ndeshjet e kësaj skuadre.
Tani Sneijder mund ta ndjek ish-shokun e tij të Kombëtares holandeze, Arjen Robben i cili u rikthye nga pensionimi për të nënshkruar me Groninggen.
Ka qenë drejtori teknik i klubit holandez Utrecht, Jordy Zuidam që ka konfirmuar një gjë të tillë.
Zuidam ka thënë se ata tanimë kanë diskutuar për rikthimin e Sneijder në fushë dhe tani varet nga ish-ylli i Interit.
“Ne kemi folur me të për rikthimin e tij në fushë, por tani ai mbetet që të vendosë”.
“Tani është vet ai që do të vendosë nëse i pëlqen ideja për tu rikthyer në fushë, por ne jemi të gatshëm ta pranojmë një Sneijder në gjendje të mirë”, deklaroi Zuidam.
Gjatë karrierës së tij, Sneijder u vlerësua si një nga mesfushorët ofensivë më të mirë në botë.
Vet lojtari ka thënë se do ta mendojë një gjë të tillë dhe se mund ta rikthehet në fushë.
Por para se të vendos të rikthehet, Sneijder duhet të humb disa kilogramë pasi pas pensionimit ai nuk është parë në gjendje të mirë pasi ka shtuar shumë peshë. /Telegrafi/