Trajneri i Barcelonës, Ernesto Valverde është i përgatitur të shohë Gerard Deulofeu të shitur në afatin kalimtar të janarit.
Skuadra e madhe italiane, Milani po e shikon Deulofeun si përforcim të mundshëm për afatin e janarit.
Sipas mediumit spanjoll Don Balon, edhe gjiganti katalunas po inkurajohet nga ky interesim i Rossonerëve.
Valverde është pro për të shpejtuar zhvillimet dhe ka miratuar perspektivën e shitjes së sulmuesit spanjoll.
Rossonerët janë të gatshëm të bëjnë biznes për 20 milionë euro, pasi kanë qenë të kënaqur me Deulofeun për gjashtë muaj të huazimit të sezonit të kaluar nga Evertoni.
Nga ana e tij, Valverde është i lumtur që Deulofeu mund të shitet gjatë afatit dimëror.
Kjo pasi trajneri spanjoll ka në plan për të promovuar sa më shumë Jose Arnaiz nga Barcelona B.
Ndryshe, Deulofeu ka dështuar ta dëshmoj veten që nga transferimi i tij në verë, edhe pse Barça ka pasur hapësira në pozitën e tij pas lëndimit të Ousmane Dembeles. /Telegrafi/