Ushtria ukrainase dhe njëherit komandant Valeri Markus ka publikuar fotografitë nga lufta në këtë shtet, ku shihen në prapavijë tanket që Sllovenia ia dhuroi Ukrainës.
Siç raporton portali slloven 24ur, nga mesi i nëntorit, këmbësoria ukrainase ka formuar brigadën 47- të, atë e ka formuar Valeri Markus dhe Ivan Shalamah, transmeton Telegrafi.
“Nga 28 qershor, komanda e ushtrisë ukrainase ka vendosur ta zgjerojë njërin duke i dhënë tanke dhe artileri. Në tetor, është marrë vendimi për zgjerimin e ri – kësaj radhe në këtë brigadë”, shkruan 24ur.
Pjesëtarët e kësaj brigade në masë të madhe janë të pajisur me armë që vijnë nga vendet e NATO-s, e një pjesë e brigadës e përbëjnë tanket M-55S që Sllovenia ia dërgoi Ukrainës.
“Sllovenia në fund të tetorit dërgoi në Ukrainë 28 tanke M-55S, por zyrtarisht nuk është zbuluar se cila brigadë i ka marrë. Sllovenia në shkëmbim të tyre ka marrë donacion mjete transportuese nga Gjermania”, thuhet ndër tjera.
Ndryshe tanket M-55S janë një azhurnim i tankut T-55, i cili shërbeu si tanku kryesor në beteja në kohën e Bashkimit Sovjetik.
Tanku është i armatosur me një top 105 mm, mitraloz dhe një mitraloz tjetër të montuar. Përveç armëve, ai është i pajisur edhe me një sistem kontrolli zjarri, një sistem parandalimi zjarri dhe një sistem zbulimi të rrezatimit laserik. /Telegrafi/