U infektua para një jave me coronavirus – Etrit Berisha shtrohet në spital

Portieri i kombëtares shqiptare të futbollit, Etrit Berisha është shtruar në spital një javë pasi u prek nga coronavirusi.

Klubi italian ka realizuar testimet e fundit në lojtarët e tyre për COVID-19, gjersa portieri shqiptar ka rezultuar pozitiv.

Berisha nuk kishte kontakte me lojtarët e tjerë të skuadrës, duke u vënë menjëherë në vetizolim, por gjendja e tij u përkeqësua.

“Pas qëndrimit disa-ditor në izolim, portieri u shtrua në spitalin e specializuar për Covid-19 për të kryer disa kontrolle klinike”, njoftoi ekipi SPAL. Megjithatë nuk dihet nëse Etrit Berisha do të qëndrojë në spital, apo si paraqitet gjendja e tij shëndetësore”, thuhet në njoftimin e SPAL.

Portieri shqiptar do të trajtohet në spital dhe varet nga gjendja e tij nëse qëndron aty apo lirohet. /Telegrafi/