Donald Trump ka reaguar ndaj fjalimit të Meryl Streep në ceremoninë e Golden Globes duke thënë se nuk është befasuar nga fjalët e “admirueses së Hillaryt”.
Aktorja e cila u nderua me çmimin “Cecil B. DeMille” për arritje jetësore, e kritikoi presidentin e zgjedhur amerikan para yjeve dhe miliona shikuesve rreth imitimit që ai i kishte bërë gazetarit me aftësi të kufizuara, Serge Kovaleski.
Mes tjerash, në fjalimin e saj, ajo tha se Trump ia kishte thyer zemrën me atë veprim dhe se kur një person i fuqishëm bën diçka të tillë, ua jep të drejtën edhe të tjerëve ta bëjnë të njëjtën gjë.
https://youtu.be/lpsiwSmy4mg
Në prononcimin e tij për New York Times, Trump ka thënë se nuk e ka parë fjalimin e Streep e as ceremoninë e Golden Globes. Porse nuk është befasuar nga kritikat që i bëjnë “njerëzit liberalë të filmave”.
Presidenti i ardhshëm i SHBA-ve u kritikua në masë të madhe në vitin 2015 kur e ngacmoi gazetarin hulumtues të New York Times, Serge Kovaleski, duke imituar lëvizjet e tij. Ky incident ishte përsëritur vazhdimisht gjatë fushatës elektorale. /Telegrafi/
https://www.youtube.com/watch?v=MZcuWba_HgU