Futbolli mbetet pa një tjetër legjendë, një futbollist që i ka dhënë shumë sportit më të bukur në botë.
Franck Ribery edhe zyrtarisht është pensionuar nga futbolli në moshën 39-vjeçare pas një karriere të jashtëzakonshme.
Ish-sulmuesi francez ka bërë publike pensionimin, ku së fundmi ishte pjesë e skuadrës nga Serie A, Salernitana.
“Topi u ndal, por emocionet brenda meje jo. Ju falënderojë të gjithëve për këtë aventurë të madhe”, ishte shkrimi i francezit në Twitter.
Ribery e nisi karrierën te akademia e Lille pastaj për të vazhduar në ekipet e para në Francë si Boulogne, Olympique Ales, Stade Brestois e Metz.
Ish-reprezentuesi francez bëri karrierë te Galatasaray para se të rikthehet në Francë te ekipi më i madh francez Olympique Marseille.
Nga viti 2007 deri më 2019, Ribery veshi fanellën e skuadrës gjermane Bayern Munichk ku fitoi të gjitha trofetë e mundshëm, derisa në tre vitet e fundit ishte në Serie A, fillimisht me Fiorentinën e pastaj me Salernitanën.
Gjatë karrierës së tij, Ribery ka fituar nëntë herë titullin e kampionit në Gjermani, gjashtë herë Kupën e Gjermanisë, katër herë Superkupën e Gjermanisë një Ligë të Kampionëve, një Superkupë të Evropës dhe një Kupë bote për klube.
Ndërkohë me Galatasaray ai fitoi edhe Kupën e Turqisë.
Si futbollist, francezi fitoi një herë çmimin si lojtari më i mirë nga UEFA, ndërsa dy herë mori çmimin futbollisti i vitit në Francë dhe një herë tjetër në Gjermani.
Ribery u rendit në podium edhe për ‘Topin e Artë’ në vitin 2013, por duke zënë vendin e tretë pas Lionel Messit e Cristiano Ronaldos. /Telegrafi/
The ball stops. The feelings inside me do not. ✨
Der Ball ruht. Die Gefühle in mir nicht. ✨
Le ballon s’arrette mais pas mes sentiments pour lui. ✨
Il pallone si ferma. Le emozioni dentro di me, no. ✨Thanks to everyone for this great adventure. 🙏🏼#FR7 #Elhamdoulillah pic.twitter.com/Ku4i1MeEbE
— Franck Ribéry (@FranckRibery) October 21, 2022