Gjyqtarët kosovarë po vazhdojnë të korrin suksese me paraqitjet e tyre në garat evropiane të organizuara nga UEFA.
Pas drejtimit të disa ndeshjeve të suksesshme, tani UEFA po i delegon kosovarët në ndeshje të ndryshme për ta ndarë drejtësinë.
Me 22 korrik do të zhvillohet ndeshja e kualifikimeve për Europa Conference League në Bullgari ndërmjet Ardas dhe Beer Shevas, ku do ta ndajnë drejtësinë gjyqtarët kosovarë.
Fjala bëhet për gjyqtarin Visar Kastrati i cili do të jetë i ndihmuar nga asistentët, Besnik Morina dhe Imran Kabashi të cilët do ta ndajnë drejtësinë në Bullgari.
Ndeshja do të luhet në orën 20:00 me 22 korrik. /Telegrafi/
