Tifozët e Interit u detyruan ta ndryshonin koreografinë në minutat e fundit

Tifozët e Interit kishin planifikuar një koreografi prekëse për finalen e Ligës së Kampionëve kundër Manchester City, por u detyruan të ndryshonin shpejt planet e tyre për shkak të rrethanave të paparashikuara.

Nerazzurrët po e zhvillojnë ndeshjen e tyre më të rëndësishme në më shumë se një dekadë, pasi mundën rivalët Milan 3-0 në total në gjysmëfinale për të rezervuar vendin e tyre kundër Manchester City në stadiumin Ataturk në Stamboll.

Ndërsa Manchester City konsiderohet gjerësisht si favorit, Interi dhe tifozët e tyre ende ëndërrojnë për lavdinë evropiane, duke shpresuar të shohin të njëjtën frymë që i pa ata të sigurojnë tripletën e parë në futbollin italian në sezonin 2009-10.

Lexo po ashtu Një tym i dendur përfshinë stadiumin ku do luhet finalja e Ligës së Kampionëve mes Man Cityt dhe Interit

Siç raportohet nga Pasquale Guarro i Calciomercato.com, tifozët e Interit kishin organizuar një koreografi prekëse për finalen e Ligës së Kampionëve kundër Manchester Cityt, me shpresën për të ndezur lojtarët e tyre dhe për të krijuar një spektakël në stadiumin Ataturk.

Për fat të keq për tifozët, planet e tyre u prishën pasi një sasi e madhe e materialeve të nevojshme nuk arritën të realizonin udhëtimin nga Bullgaria në Turqi, duke i shtyrë tifozët të përshtaten shpejt dhe të ndryshojnë koreografinë e tyre.

Tifozët Nerazzurrë valvitën disa flamur me mbishkrimin INTER, ndërsa mbanin edhe disa flamuj italianë. /Telegrafi/