Arsenali nuk e ka nisur mirë këtë edicion në elitën e futbollit anglez.
Në dy ndeshjet e para Topçinjtë kanë pësuar po aq humbje, ku u mposhtën nga City dhe Chelsea.
Trajneri Unay Emery po e përgatit skuadrën për ndeshjen e radhës që do ta zhvillojnë ndaj West Ham.
Por gjatë seancës stërvitore tek Arsenal janë mbajtur testet e shpejtësisë.
18 lojtarë kanë marrë pjesë në këtë garë, ku në fund fituesi ka dalë afrikani Pierre Emerick Aubameyang.
Gabonezi ka lënë mbrapa mbrojtësin spanjoll Hector Bellerin, ndërsa çuditërisht në pozitën e tretë ndodhet Sokratis.
Alex Iwobi zë pozitën e katërt, ndërsa në të pestën është Shkodran Mustafi.
Mesfushorët qendror të Arsenalit, Granit Xhaka, Matteo Guendoouzi, Mohamed Elneny dhe Lucas Torreira kanë përfunduar këtë test të fundit. /Telegrafi/
