Ylli i muzikës pop, Taylor Swift, i është bashkuar ekipit të aktorëve që do të luajnë në dramën muzikore, “Cats”, që paraqet një adaptim të ri filmik të mjuziklit të Andrew Lloyd Webber.
Në mjuziklin “Cats” do të aktrojnë edhe Jennifer Hudson, James Corden e Ian McKellen.
Më herët është raportuar se producentët janë në bisedime edhe me Anne Hathaëay, mirëpo deri më tash nuk ka asgjë konkrete.
Për Hudson tashmë roli është ndarë, ndërsa akoma nuk dihen rolet për Swift, Corden dhe McKellen.
“Cats” nuk do të jetë filmi i parë për këngëtaren e popullarizuar amerikane.
Në vitin 2010 ajo ka laujtur në “Valentine’s Day”, kurse në vitin 2014 ka aktruar “The Giver”.
Sipas mediave amerikane, xhirimet e “Cats” do të nisin në muajin nëntor në Angli, ndërsa Taylor do t’i xhirojë skenat e saja menjëherë pas turneut.
Regjinë e këtij mjuzikli do ta bëjë fituesi i Oscarit, Tom Hooper, ndërsa skenarin do ta përshtatë Lee Hall. /Telegrafi/
