Derisa ishte në dhomën e saj që ndodhet në katin e tetë të një ndërtese në Amsterdam të Holandës, një studente e paemëruar është qëlluar në kokë nga plumbi qorr.
Për fat të mirë, 23-vjeçarja e cila po lexonte në laptop nuk ka marrë ndonjë lëndim serioz dhe gjendja e saj është nën kontroll, transmeton Telegrafi.
Derisa ishte e kërrusur mbi shtrat, ajo ndjeu një dhimbje të fortë në kokë dhe nisi ta mbante me dorë, derisa bashkëbanuesja ia pa gjakun dhe vrimat nëpër xham dhe perde.
Atë e dërguan në spital në gjendje shoku, e zënë në panik nga situata tronditëse, por pas intervenimit kirurgjik, u dërgua në një qendër për qëndrim disa ditor.
Hetuesit kanë thënë se rasti është lokalizuar, ndërsa po bëjnë hulumtime prej nga ka mundur të vinte predha, që nuk besohet ta kishte atë si cak. /Telegrafi/
