Një çift që peshkonte për ton të verdhë në brigjet e Luiziana, realizoi një video rrëqethëse.
Gjatë peshkimit, deti “vloi” nga më shumë se 50 peshkaqenë që u shfaqën rreth varkës, transmeton Telegrafi.
Skena u filmua nga Dillon May nga Jacksonville, Florida dhe u postua në profilin TikTok të të dashurës së tij Kaitlyn Dix.
Videoja është shikuar nga më shumë se një milion persona, ndërsa është shpërndarë edhe në rrjetet e tjera sociale.
Skena solli në mendje një fenomen të quajtur “Zilja e tonit”, dhe ndodh kur peshqit ushqehen aq shpejt dhe në mënyrë agresive, saqë deti duket se po zien.
Mirëpo, këtë herë shkak nuk ka qenë toni, por dhjetëra peshkaqenë që kanë sulmuar dhe ngrënë këta peshq, ndërsa çifti kanë parë gjithçka.
Disa peshkaqenë po goditnin varkën, e cila dukej duke u lëkundur. Çifti më në fund arriti të largohej. /Telegrafi/
