Javën që lamë pas u bë sinjalizimi i një arritjeje të rëndësishme për sektorin botues të Emirateve të Bashkuara Arabe.
Autoriteti i Librit të Sharjahut (SBA) dhe Ingram’s Lightning Source, kanë nënshkruar një marrëveshje për të sjellë shërbimin më të mirë të printimit sipas kërkesës (print-on-demand) në botë, në Zonën e Lirë të Sharjah Publishing City.
Marrëveshja u nënshkrua nga Ahmed bin Rakkad Al Ameri, Kryetar i (SBA dhe Shawn Morin, President dhe Drejtor Ekzekutiv i Ingram Content Group, në prani të John Ingram, Kryetar i Ingram Industries, në Book Expo America 2019.
Ahmed bin Rakkad Al Ameri, kryetar i SBA, theksoi se objektivi kryesor i kësaj marrëveshje dhe partneriteti është që Sharjah të ofrojë shërbime botuese gjithëpërfshirëse në treg në Emiratet e Bashkuara Arabe dhe në rajon, përveç ofrimit të mjeteve dhe zgjidhjeve që do t’u mundësonin botuesve për të filluar bizneset e tyre në Sharjah dhe të zgjerohen ndërkombëtarisht.
Rreth Ingram’s Lightning Source
Ingram është kompania më e madhe botërore e shtypit dhe shpërndarjes që punon për sektorin botues. Ingram’s Lightning Source është pjesë e Grupit Ingram të kompanive që respektohen ndërkombëtarisht.
Ingram’s Lightning Source u ofron botuesve dhe individëve mundësinë për të shtypur 1 libër ose 10,000 – të gatshëm për t’u dërguar për shitje në vetëm 24 orë.
Ingram’s Lightning Source lidh botuesit me kanalin më të madh të shpërndarjes në botë të tregtarëve me shumicë dhe shitësish të librave. Përveç shpërndarjes së librave përmes kompanisë Ingram Book, Ingram / Lightning Source mban lidhje me portofolin më të gjerë të shitësve të librarive që u shërbejnë konsumatorëve sot.
Rreth Sharjah Publishing City
Menjëherë pasi hapi dyert në tetor të vitit të 2017, Sharjah Publishing City – një zonë e lirë me bazë në Emiratet e Bashkuara Arabe ekskluzivisht për industritë botuese, u bë vendi i cili priti një numër të madh të bizneseve nga bota.
Me një mori shërbimesh logjistike dhe profesionale, duke përfshirë printera, redaktorë, përkthyes, ilustrues, shërbime për marketing dhe promovime, madje edhe trajnime, si dhe shërbime të logjistikës dhe shpërndarjes, objektet e Sharjah Publishing City kanë krijuar një ekosistem të fuqishëm të biznesit.
