Një gjendje e jashtëzakonshme është shpallur në rajonin Kursk të Rusisë, pasi një sulm i rrallë ndërkufitar nga trupat ukrainase ka vazhduar për të dytën ditë radhazi.
Guvernatori rajonal në detyrë, Alexei Smirnov, tha se masa ishte e nevojshme “për të eliminuar pasojat e forcave armike që vijnë në rajon”.
Mijëra njerëz janë evakuuar gjithashtu nga zonat kufitare, tha ai, duke shtuar se mjekët po dërgoheshin nga qytete të tjera, raporton bbc.
Më herët, presidenti Vladimir Putin akuzoi Ukrainën për nisjen e një “provokimi të madh” pasi Moska tha se qindra trupa kaluan kufirin pranë qytetit Sudzha, 10 kilometra nga kufiri, të martën në mëngjes.
Ata u mbështetën nga 11 tanke dhe më shumë se 20 automjete të blinduara luftarake, shtoi Kremlini.
Inkursionet ukrainase në territorin rus kanë qenë jashtëzakonisht të rralla që kur Rusia nisi pushtimin e Ukrainës në shkallë të plotë në muajin shkurt të vitit 2022.
Garda Kombëtare Ruse deklaroi se kishte forcuar sigurinë e termocentralit bërthamor Kursk, i cili shtrihet rreth 70 kilometra në veri-lindje të Sudzhas. /Telegrafi/
Prisoner of war march in Kursk region: 22 Russian military men laid down their arms
The video was published by Ukrainian public activist Sergei Sternenko.
“Z-channels” specify that the video shows border guards. pic.twitter.com/gX4jujMqtn
— NEXTA (@nexta_tv) August 7, 2024