Rusët vizatojnë bombardues në pistë, duke menduar se do të mashtrojnë ukrainasit – harrojnë t’i përfundojnë “punimet” deri në fund

Imazhet satelitore shfaqin ushtarët rusët duke vizatuar silueta të bombarduesve të Kremlinit në një pistë të bazës ajrore, shkruan War Zone.

Bëhet fjalë për Tu-95MS “Bear H” që po vizatoheshin në bazën ajrore Engels, lokacion ky që është nën sulme të vazhdueshme nga ana e ukrainasve, transmeton Telegrafi.

Imazhet janë kapur nga PlanetLabs dhe i janë dhënë mediat  – ku shihen imazhe dy dimensionale në pistë, por ajo çfarë është qesharake se disa prej vizatimeve nuk ishin përfunduar dhe dukej sikur “aeroplanëve” u mungonin krahët.

Lexo po ashtu Njësia e operatorëve të dronëve ukrainas që nuk po i lë “askund” vend ushtrisë së Vladimir Putinit

Ky veprim i rusëve është një dëshmi se ata janë nën presion të vazhdueshëm nga sulmet kamikaze të ukrainasve, që po u shkaktojnë humbje të mëdha në makinerinë luftarake.

Në dhjetor të vitit të kaluar, ukrainasit kishin zhvilluar një sulm me dron në bazën ajrore duke arritur të dëmtojnë aeroplanin Tupolev Tu-95 MS. /Telegrafi/