Ministri i Mbrojtjes së Ukrainës, Oleksij Reznikov falënderoi për ndihmën humanitare dhe ushtarake nga Maqedonia në takimin e sotëm në Kiev me ministren e Mbrojtjes Sllavjanka Petrovska, përcjell Telegrafi Maqedoni.
Ai tha se Maqedonia ka marrë rolin e liderit në mesin e vendeve të Ballkanit kur është fjala për dërgimin e ndihmave në Ukrainë pas pushtimit rus.
“Dua të theksoj se Maqedonia e Veriut mori drejtimin nga Ballkani, sepse ata filluan të na ndihmojnë me fonde reale dhe vazhdojnë të na ndihmojnë. Është një dëshmi se miqtë e vërtetë e vërtetojnë miqësinë e tyre me ndihmë të vërtetë”, tha Reznikov, duke shtuar se populli ukrainas nuk do ta harrojë këtë.
Petrovska tha se Maqedonia qëndroi në anën e Ukrainës pa hezitim, sepse ajo është ana e drejtësisë, dinjitetit njerëzor dhe të vërtetës./Telegrafi/