Presidenti i Katalonisë, Carles Puigdemont, tha sot se vitin e ardhshëm mund të mbahet referendumi për pavarësinë e krahinës verilindore spanjolle.
Ai bëri të ditur se referendumi do të mbahet pavarësisht vendimit të Gjykatës Kushtetuese spanjolle.
Udhëheqësit nacionalistë të Katalonisë, ka kohë që kërkojë mbështetjen e Qeverisë spanjolle për mbajtjen e një referendumi për pavarësi, por Madridi zyrtar e ka kundërshtuar një kërkesë të tillë në vazhdimësi.
Qeveria spanjolle dhe Gjykata Kushtetuese duket se nuk do të mund ta ndalin dëshirën e qytetarëve të kësaj krahine për pavarësi, transmeton KosovaPress.