Kryeministri i Shqipërisë, Edi Rama, që ishte i pranishëm sot në një takim elektoral në Cërrik ku prezantoi kandidatin e Partisë Socialiste për zgjedhjet vendore të 30 qershorit, nuk la pa shigjetuar edhe opozitën.
Ai tha se ata nuk kanë asgjë për t’i ofruar vendit veç dhunës e shantazhit, duke shtuar se opozita ka frikë nga reformat në drejtësi.
“Janë kthyer njësoj si Beni ecën vetë, tek rruga në pyll natën që këndon që të dëgjojë zërin e vet që të mos ketë frikë nga errësira. Kanë hyrë në panik”, tha Rama.
“Kanë hyrë në panik dhe në një rrugë qorre pa logjikë, se të thuash vizion është kërkesë e ekzagjeruar t’u kërkosh atyre vizion. Sa herë i ka ardhur mundësia të kenë një gjë në dorë kanë bërë pis, sa herë kanë pasur mundësinë të rregullojnë e kanë prishur”, shtoi Rama./Tch/